作词：许冠杰/黎彼得
作曲：Blackwell
咁又茶楼齐共上，良朋谈动向，
花雕“Dep”几两，闲来寻乐畅，
叫煲佛跳墙(佛跳墙)，炆得咁鬼香。
计起就完全唔系贵，翅肚能润肺，
鲍参炆光鸡，发菜同玉桂，
配料落到齐(落到齐)，认真冇得挥。
肥佬黎，倒眼辉，
潺仔威，软脚龟，擦啦喂。
夹起连随搽辣酱，确系怡神颜又养，
一于揾手抢，完全唔异相，
有福大家享(大家享)，驶乜咁紧张。
成班友一味啄，
含含声一味啄，唔怕肚涨。
佛跳墙，炆得咁鬼香，
见到佛跳墙(佛跳墙)，鬼都要装香，
超级佛跳墙(佛跳墙)，炆得咁鬼香，
见到佛跳墙(佛跳墙)，鬼都要装香，
正宗佛跳墙(佛跳墙)，炆得咁鬼香，
见到佛跳墙(佛跳墙)，鬼都要装香。