作词：许冠杰/黎彼得
作曲：许冠杰
有佢咁靓时冇佢咁够盏，尖沙咀 Susie 点止咁简单，
样貌与身材 Good fit 夹耀眼，想揾多个都几难。
佢要够有型个性最好玩，出名炼车王青山斗片弯，
日日吃几笼虾饺当食晏，思想开放，好识叹。
尖沙咀 Susie 驶乜忧两餐，佢老窦勤力惯，系街市卖鸭蛋，
尖沙咀 Susie 屋企多靓衫，橙沟绿，米衬蓝，套套惹火抢眼。
佢碰见猛男对眼会猛咁眨，风骚兼销魂乜都笑一餐，
密密去 Disco 通宵到达旦，揽身揽势都好闲。
有佢咁野蛮冇佢咁够胆，尖沙咀 Susie 死都坳番生，
但望亚 Susie 光阴咪乱散，青春一去空悲叹。